Leve Lüü bi „Plattdüütsch in de Kark“!
Wi hebbt wat to fiern: „Plattdüütsch in de Kark“ word 60 Jahr! 1963 is de AG Plattdüütsch in de Kark gründt worden un 2018 hör Nafolger, de Vereen Plattdüütsch in de Kark e.V.. De gifft dat nu al fiev Johr. Also tweemal Geburtsdag!
Wi laden jo van Harten to dat Fest in: Saterdag, de 30. September, in de Dom to Verden. Um Klock 11 geiht dat los mit´n Gottesdeenst. Denn hören wi wat ut de Geschicht van Plattdüütsch in de Kark. Een Chor ut Stapelfeld singt för uns Gospels up Platt. Wi kriegen verscheden Dialekten to hören. Wat Feines to eten un drinken gifft dat ok. Un natürlich Tied to klönen!
Wi bidden üm Anmeldung: Per Mail bi uns Sekretärin Kathrin Linkersdörfer (kathrin.linkersdoerfer@evlka.de)
of per Telefon bi Vörstandsmitglied Alfred Böhnke (04761 6332).
Rechts finnen ji dat komplette Festprogramm.
Wi freien uns up jo!
De Vörstand van Plattdüütsch in de Kark e.V.: Carsten Möhlenbrock, Alfred Böhnke, Ursel Menzel, Friedo Hansen, Jens Wilkens un Elisabeth Stolberg
